Alhoewel Penny Pienaar (53) reeds 26 jaar lank in
Bela-Bela woon, het sy onlangs eers haar na Warmbad Renaissance verhuis waar sy
haar intrek in E33 geneem het.
 |
| Penny Pienaar |
Op die vraag of die lewe in die oord haar geval, antwoord
sy dat sy haar mening wil voorbehou omdat sy nog nie lank genoeg hier woon nie.
Die mense wat sy tot dusver ontmoet het, is egter baie vriendelik en
behulpsaam. Hierbenewens is sy in haar noppies dat troeteldiere, veral honde,
nie in die oord toegelaat word nie. Trouens, dis die groot rede waarom sy
hierheen verhuis het!
Penny is in Mangula, in die voormalige Rhodesië, gebore.
Toe sy vier jaar oud was, het sy en haar gesin eers na Musina en later na
Pretoria verhuis. Hier het sy in 1980 aan die Clapham High School
gematrikuleer.
Sy het ná skool begin werk en mettertyd die Nasionale
Diploma in Rekeningkunde aan die Technikon SA behaal. Sy praktiseer tans as ‘n
professionele rekenmeester. Die meeste van haar kliënte is van Modimolle
afkomstig.
Alhoewel sy nie juis tyd vir stokperdies het nie, hou
Penny van lees. Een van haar gunstelingskrywers is James Patterson.
Sy het een ongetroude dogter wat in Bela-Bela woon.
No comments:
Post a Comment