Oord verwelkom Harry en Marie Pretorius

Alhoewel Harry (77) en Marie (69) Pretorius onlangs eers hul intrek in E85 geneem het, is Bela-Bela vir hulle ʼn bekende omgewing aangesien hulle jare lank reeds woonwa-vakansies in ʼn plaaslike woonwapark deurgebring het.

Harry is in Middelburg, Transvaal, gebore en het op Salvokop grootgeword. Nadat hy sy skoolopleiding in 1961 aan die Hoërskool Wonderboom voltooi het, het hy hom as ʼn  elektrisiën bekwaam. Hy het in 2006 by die Middelbultmyn op Secunda afgetree.

Marie is in Primrose, Germiston, gebore en getoë. Sy het haar skoolopleiding in 1967 aan die Efficiency Business   College voltooi en daarna jare lank as ʼn boekhoudster by ʼn mediese praktyk op Evander gewerk.

Harry en Marie is in 1969 getroud en het twee seuns en een kleinkind.

Oord verwelkom Anna-Marie en Ans O'Linsky

 Anna-Marie O’Linsky (60) en haar ma, Ans O’Linsky (87), het hul intrek onlangs in E24 geneem. Hulle het familie wat ook op Bela-Bela woon.

Anna-Marie is in Cradock gebore en het in Montana, Pretoria, grootgeword. Sy het in 1960 haar skoolloopbaan aan die Hoërskool Pretoria-Noord voltooi en is mettertyd deur Volkskas (tans ABSA) in diens geneem waar sy 40 jaar lank gewerk het. Sy het onlangs as ʼn kwaliteitsbestuurder afgetree.

Ans is in Aliwal-Noord gebore en getoë. Nadat sy ʼn ruk lank by Volkskas as ʼn makelaar gewerk het, het sy haar eie makelaarsonderneming van stapel gestuur.

Ans en Ivan is in 1956 getroud. Hy het haar in 2015 ontval. Hul het vier dogters en vyf kleinkinders grootgemaak.