Welkom by die webjoernaal van die Warmbad Renaissance-aftreeoord, Bela-Bela

Welcome to the blog of the Warmbad Renaissance Retirement Village, Bela-Bela

Soek 'n berig in Renaissance

Soek jy na 'n berig in hierdie webjoernaal? Volg die aanwysings hieronder.

Friday 25 May 2018

Diekie volg Hester se raad

Diekie Venter

Hester Botes (E130) en Diekie Venter ken mekaar al jare lank. Dis juis Hester wat haar aangeraai het om ons oord as ‘n uitvlug te oorweeg omdat sy nie besonder tevrede met haar vorige woonplek in Pretoria was nie.

Sy het toe onlangs haar intrek in E61 geneem en is danbaar dat sy Hester se raad gevolg het. Sy woon lekker want Warmbad Renaissance is rustig en veilig, en die inwoners is vriendelik en hulpvaardig.

Diekie is 76 jaar gelede op Brits gebore en het op Middelburg grootgeword. Hier het sy in 1958 matriek aan die Hoërskool Middelburg behaal. Daarna het sy opleiding as tikster ondergaan. Diekie het tot haar bedanking in 1996 by die elektrisiteitsafdeling van die Pretoriase munisipaliteit gewerk.

Sy en haar eggenoot, Theunis, was vir 52 geseënde jaar getroud voordat hy in 2013 oorlede is. Diekie het vier kinders en vier kleinkinders.

Tuesday 22 May 2018

"Knyp vas die boudjies ... trek in die magies ... "

Die opskrif hierbo is ʼn refrein wat sedert 5 Junie 2017 soggens drie keer per week in die Lapa opklink terwyl Rina Steynberg (E105) ʼn twintig of wat inwoners help om hulle stram lywe soepel te probeer hou deur middel van liggaamsoefeninge wat spesiaal vir die ouer garde ontwikkel is.

Eina, maar toemaar ... !
Maar kom ons stel een van die geesdriftige lede van die LO-groep aan die woord.

LIZ SNYDERS skryf: Dis heerlik gesellig om soggens vroeg elke Maandag, Woensdag en Vrydag in die Lapa saam te oefen. Dis ʼn wonderlike geleentheid om mekaar beter te leer ken en lief te kry.

Liz kon haar regterhand sowat 'n jaar gelede nie bokant haar middellyf oplig nie.
Elkeen voer die oefeninge volgens sy of haar eie vermoë uit. Ons kreun en steun en lag, maar dis só lekker! Aan die begin was my spiere maar swakkerig. Ek kon nie my arms hoog oplig nie … my bene het gou moeg geword … my asem was té min.

Nóú moet julle my sien! Ek is byna 87 jaar oud en voel baie beter, vroliker en gelukkiger.  Ek het agtergekom ek KAN! Die slagspreuk op Lirpa se t-hempie wat lui “Oud maar nie oor die muur nie,” kan eweseer op my van toepassing wees.

Dalk moet ek vir my ook so ʼn T-hempie aanskaf.

Monday 21 May 2018

Van der Westhuizens reeds ingeburger

Wessie en Magda van der Westhuizen
Wessie (65) en Magda (59) van der Westhuizen het onlangs hul intrek in E120 geneem. Hulle het dié eenheid in 2013 aangeskaf met die oog op hulle uiteindelike aftrede aan die einde van 2017. Intussen het hulle dit verhuur terwyl hulle op die perseel van die Mabula Game Lodge naby Bela-Bela gewoon het waar Wessie sedert 1999 as ‘n assistent reservaatbestuurder werksaam was.

Magda is op Uitenhage gebore en het later saam met haar ouers na Bloemfontein verhuis waar sy grootgeword het. Sy het in 1977 matriek aan die Hoërskool Prinshof in Pretoria geslaag. Hierna het sy ‘n diploma in sekretariële werk aan die Tegniese Kollege Bloemfontein behaal. Sy het vervolgens hoofsaaklik algemene kantoorwerk vir verskeie tandartse behartig.

Wessie is op Aroab in Namibië gebore en het op die familieplaas tussen Aroab en Keetmanshoop grootgeword. Hy het matriek in 1970 aan die Hoër Tegniese Skool Upington behaal. Hierna het hy by die Tegniese Dienskorps van die Suid-Afrikaanse Weermag in diens getree. In 1979 het hy sy ontslag met die rang van luitenant geneem. Hierna het hy hy buite Lückhoff in die Vrystaat gaan boer.

Wessie en Magda is in 1991 getroud nadat sy eerste eggenote oorlede is. Magda beskou Wessie se twee kinders en twee kleinkinders as haar eie. Hulle seun woon en werk in die VSA terwyl hulle dogter en haar wederhelf by wildboerdery buite Bela-Bela betrokke is.

Dié gemoedelike egpaar het groot waardering vir ons goedversorgde terrein en hulle rustige en veilige leefwyse in ons oord.


Thursday 17 May 2018

Hóé op dees aarde kry hulle dit reg?

Opskeptyd
Ons sosiale aksie-groep het onlangs weer eens die spreekwoordelike haas uit die hoed getrek toe hulle ʼn uitmuntende kontrei-ete in die Nes aangebied het. Die maaltyd het drie smullekker vleisgeregte, stampmielies, geelrys, groente en nagereg ingesluit en het naastenby soveel per persoon gekos as ʼn Wimpy-hamburger. En alhoewel die doel nie ʼn geldmakery is nie, het hulle tóg daarin geslaag om ʼn klein wins te maak.

Hoe op dees aarde slaag hulle daarin om telkens met uiters bekostigbare uithanggeleenthede soos dié vorendag te kom?

Dit verg fyn beplanning, sê hulle, en ʼn span formiddabele kosmakers.

Die primêre doelstelling van funksies soos dié is om kuiergeleenthede daar te stel sodat inwoners mekaar kan leer ken en, wie weet, blywende vriendskapsbande te smee.

Te oordeel aan die gemoedelike stemming wat geheers het, het diegene wat die koue trotseer het, heerlik gekuier.

Van links na regs verskyn Marie Snyman, Ria van Rensburg, Wilma Kense, Hester Botes, Diekie Venter en Alet Erasmus

Tuesday 1 May 2018

Birdlife in our village (5)

As indicated previously, during the next few months Philip van den Berg (U34) will enlighten us about the birdlife in our village. He is an acclaimed environmentalist and wildlife photographer.

This month he has supplied text and pictures about Sunbirds (Afr.Suikerbekkies). 

PHILIP VAN DEN BERG writes: At this time last year the Cape Honeysuckle (Afr. Kanferfoelie) shrubs were in flower. There was intense activity by sunbirds coming and going all the time and males aggressively chasing each other. At present the conditions are very much the same. Yet, for quite some time we have not seen or heard any sunbirds. The reason? I think it can be attributed to the good rains we have had lately. There is enough food obtainable in the veld.

Sunbirds are nectar lovers. During the middle part of the day when nectar is flowing, they concentrate on flowers to obtain this excellent source of energy. Their diet also includes some varieties of fruit.  During the morning and late afternoon they forage for insects and spiders, often hovering in the process.

Spiders play an important role in the lives of sunbirds. Not only are they favourite prey items, but their silk is also used in the construction of sunbirds’ nests. The nests consist of a purse of plant material bound with spider web. The nests have a side entrance near the top.

Sunbird nest
Sunbirds are small birds with long, slender, decurved bills and extendable tongues. The sexes are different. The females are mostly drab-coloured while the males are brightly coloured with iridescent green or bronze feathers on the back. Some have extravagant red or purple patches on the underside.

In the area around Renaissance one can expect to see the following species of sunbirds: Amethyst Sunbird (Afr. Swartsuikerbekkie), Marico Sunbird (Afr. Maricosuikerbekkie) and White-bellied Sunbird (Afr. Witpenssuikerbekkie). Of these the Amethyst and White-bellied Sunbirds are quite common in the village. During the previous breeding season, a pair of White-bellied Sunbirds successfully bred at unit 34.

Amethyst Sunbird
Marico Sunbird
White-bellied Sunbird