Chris
(62) en Anne (62) van den Heever het pas in E75 ingetrek. Hulle kan nie
uitgepraat raak oor ons oord en die rustigheid wat hulle ondervind nadat hulle
‘n leeftyd in die gewoel van Johannesburg en omgewing gewoon en gewerk het.
 |
| Chris en Anne van den Heever |
Op
‘n vraag waarom hulle juis op Warmbad Renaissance as ‘n hulle aftreeplek
besluit het, antwoord hulle dat die oord se webtuiste die deurslag gegee het nadat
hulle verskillende opsies oorweeg het. Toe hulle die eerste keer by die toegangshek
inry, het die goedversorgde terrein hulle opgeval en het hulle summier besluit
dat hulle soektog verby is.
Dié
vriendelike egpaar is beide in Johannesburg gebore. Anne het in Maraisburg
grootgeword en in 1972 aan die Hoërhandelskool Discovery gematrikuleer. Chris
het in Unigray groot geword en sy skoolopleiding in 1971 aan die Hoërskool J G
Strydom voltooi.
Hierna
het Anne sekretariële werk gedoen. Sy het na 26 jaar diens in daardie
hoedigheid by Nedbank afgetree. Chris het hom as ‘n werktuigkundige bekwaam en het
mettertyd die bestuurder van die PUTCO-werkswinkels geword.
Chris
en Anne is in 1985 getroud. Hulle het drie kinders en ses kleinkinders.
No comments:
Post a Comment