 |
| Hester Breet |
Hester Breet (69) het onlangs haar intrek in E139
geneem nadat sy sestien jaar lank op Koedoeskop woonagtig was.
Hierdie gesellige voormalige Bolander is op
Robertson gebore en getoë, en het die matrikulasie-eksamen met goeie gevolg aan
die Hoërskool Swellendam afgelê.
Maar die Bosveld was uiteindelik haar voorland. ‘n
Geruime tyd nadat Hester se eerste man oorlede is, is sy en Piet Breet, ‘n
wewenaar, in 2001 op Thabazimbi getroud. Die pasgetroudes het hulle op Piet se
plaas op Koedoeskop gevestig.
Piet het haar in 2009 ontval en agt jaar later,
nadat sy verskeie aftreeoorde in die omgewing oorweeg het, bevind sy haar in
Warmbad Renaissance. Hier woon sy tot dusver baie lekker, dankie. Haar
wooneenheid is gerieflik en die oord, rustig en veilig. Die mense wat sy tot dusver ontmoet het, het
baie moeite gedoen om haar tuis te laat voel.
Hester het drie kinders, vier kleinkinders en een
agterkleinkind.
No comments:
Post a Comment