 |
| Louise en Paul Kruger |
Paul (56) en Louise (54) Kruger wat onlangs hulle
intrek in E26 geneem het, is op 8 April 2017 getroud. Dit maak hierdie
gemoedelike egpaar loshande Warmbad Renaissance se jongsgetroude egpaar! Ons
webtuiste (www.renaissance-in-die-bosveld.co.za)
het ‘n deurslaggewende rol gespeel in hulle besluit om hierheen te verhuis.
Louise is op Zeerust gebore, maar het op Randfontein
grootgeword waar sy in 1980 aan die Hoërskool Jan van Riebeeck gematrikuleer
het. Hierna het sy algemene kantoorwerk gedoen, onder andere by die befaamde
motorrenjaer, Ben Morgenrood, se motoronderneming op Randfontein. Meer onlangs
het sy haar toegespits op die versorging van gestremde persone.
Paul is op Pietersburg gebore en is trots daarop dat
hy ‘n direkte afstammeling van oud-pres Paul Kruger van die toentertydse ZAR is. Nadat hy
aan die Hoër Tegniese Skool Piet Retief op
Adelaide gematrikuleer het, het hy by die Suid-Afrikaanse Weermag aangesluit. Hy was 'n majoor voordat hy in
1985 eervol ontslaan is. Hierna het hy hom toegespits op o.m. die
konstruksiebedryf.
Paul en Louise
het saam ses kinders uit vorige huwelike, asook drie kleinkinders.
No comments:
Post a Comment