Dries (62) en Sherrol (51) Gouws het onlangs in E61
ingetrek. Tot dusver was hul verblyf aangenaam, sê hulle. Die rustige omgewing
en vriendelike inwoners dra veel hiertoe by.
 |
| Dries en Sherrol |
Dries is in Bloemfontein gebore en het in Roodepoort
grootgeword. Nadat hy in 1974 aan die Hoërskool Roodepoort gematrikuleer het,
het hy ‘n telekommunikasietegnikus by die poskantoor geword. Later het hy by
die Suid-Afrikaanse Weermag aangesluit waar hy mettertyd die rang van AO1
beklee het voordat hy na 21 jaar in 2001 uitgetree het. Hy werk tans in in die
gewapende reaksie-eenheid van Galven Security.
Sherrol is in Vereeniging gebore en het in Meyerton
grootgeword. Sy en haar gesin het later na Modimolle verhuis waar sy haar
skoolopleiding aan die Hoërskool Nylstroom voltooi het. Sy het ʼn geruime tyd lank saam met haar pa op ʼn plaas buite Bela-Bela geboer. Tans versprei sy Huisgenoot,
Beeld en Rapport
in Bela-Bela en Modimolle.
Dries en Sherrol is in 2004 op Bela-Bela in die eg verbind.
Beide was voorheen getroud. Dries het 2 kinders en Sherrol het 3. Hulle het een
kleinkind.
No comments:
Post a Comment