Op
1 April 1991 het Ampie en Isabel Hattingh die eerste inwoners van ons oord
geword.
 |
| Ampie en Isabel |
Ons
het vir Isabel gevra om deur haar foto-album te blaai en ‘n paar foto’s te
identifiseer wat volgens haar oordeel die ontstaansjare van ons oord sowat 25
jaar gelede die beste uitbeeld. Dié foto’s verskyn hieronder.
 |
| Die hoofingang van die oord word in gereedheid gebring. Dié
foto wat in Maart 1991 geneem is, toon die voorbereiding van die straat (Soetdoringlaan) by die hoofingang, uit. Die erns waarmee die bewaring van inheemse bome
deurgaans bejeën is blyk uit die feit dat die straat aan weerskante van die
maroelaboom op linkerhand verbygeloop het. Dié boom is later om
veiligheidsredes verwyder |
 |
| Die ontwikkeling van die oord was gou mooi op
koers. Hierdie foto is voor E17 in ‘n oostelike rigting geneem |
 |
| Die hoofingang van die oord. Op 9 Augustus 1991 het die
toentertydse burgemeester van Warmbad, rdl. Wearing, 'n boomplantplegtigheid waargeneem – die eerste van vele waartydens inheemse bome
op die terrein aangeplant is. Links staan Willie van der Merwe, ‘n inwoner, en
in die middel, mev. Dirkie Wearing |
 |
| 25 jaar gelede was die inwoners nog relatief jonk en vol pret.
Hierdie foto is voor ‘n “opdress”-funksie geneem. Isabel verskyn in die middel en
Ampie, regs |
 |
| Die oord het dikwels sy eie interne talentkompetisies
gehou |
 |
| Die Warmbad Renaissance-sanggroep het in 1994 aan, onder andere, die
Waterberg Afrikaanse Kunsfees deelgeneem |
 |
| Die Warmbad Renaissance-tamboernooientjies (!) was nogal gewild.
Hierdie foto is in 1996 geneem |
 |
| Soos tans, was uithanggeleenthede ook in 2001 aan die orde van die
dag. Hannetjie Pretorius verskyn links op hierdie foto. Sy woon steeds in die
oord |
 |
| Reanett Bezuidenhout (bestuursagent) en Werner Pauw
(ontwikkelaar) vertolk ‘n baie belangrike rol in die wel en weë van die oord.
Dis nie bekend wanneer hierdie foto geneem is nie, maar dit moes in die
negentigerjare gewees het. Hulle was véél jonger as tans! Reanett tree vanjaar na 25 jaar uit as die oord se
bestuursagent |
No comments:
Post a Comment