Die
bestuurskomitee het op sy vergadering van 31 Maart goedkeuring verleen dat
Cornelia Matthysen van Matthysen
Audiology voortaan op Dinsdae en sekere Donderdae ‘n lokaal in die
administrasiegebou as ‘n spreekkamer mag gebruik.
Cornelia
is ‘n ou bekende in ons oord. Sy lewer reeds sedert 2009 gehoorverwante dienste
aan inwoners. Sy sê dat sy beoog om die lokaal as ‘n spreekkamer in te rig om
voortaan op ‘n meer professionele en produktiewe wyse aan haar pasiënte se
behoeftes te voldoen.
 |
| Cornelia ondersoek een van haar pasiënte, Johnny Meyer |
Volgens
Cornelia lewer sy verskeie dienste soos
wasverwydering, diagnostiese gehoortoetse, gehoorapparaatpassings, verstellings
aan gehoorapparate, swemproppies, gehoorbeskermers, oorsuisingsberading,
ouditiewe opleiding, diens en herstel van gehoorinstrumente, en verskaffing van
batterye en ander toebehore.
Sy
behartig alle mediese fonds-eise namens haar pasiënte. Indien nodig, reël
sy ook voorafgoedkeuring vir die pas van nuwe gehoorinstrumente.
Inwoners
kan haar by 072 477 1054 skakel om 'n afspraak te maak.
No comments:
Post a Comment