 |
| Rina Steynberg |
Rina Steynberg het voor haar
aftrede in 1996, die kantoor van die toentertydse Departement van Mannekrag op
Nylstroom bestuur, dien tans in die kerkraad en die sustersvereniging van die
Hervormde Kerk op Bela-Bela, en is die sekretaresse van die Warmbad-tak van die
Vroue Landbou-unie. Sy verteenwoordig ook haar VLU-tak in die Warmbad
Boerevereniging. Hierbenewens is sy 'n
toegewyde ma van haar seun en geliefde ouma van drie kleinkinders.
Maar Rina ken ook
diepe hartseer. Haar dogter is op 13-jarige ouderdom in 'n skoolbusongeluk
dood. In dieselfde ongeluk is haar seun ernstig beseer.
Sy is in 1941 op
Middelburg gebore en het op Groblersdal grootgeword waar sy in 1959 matrikuleer
het. Rina en Koert is in 1962 getroud. Hy het haar in 2009 ontval.
Sy en Koert het
sedert 1990 op die plaas Klippekou in die distrik Warmbad gewoon voordat sy dit
in 2015 verkoop het en E105 in ons oord aangeskaf het.
Op die vraag waarom
sy dan besluit het om na Warmbad Renaissance te verhuis, antwoord sy sonder
huiwering: "Ek het verskeie meenthuiskomplekse en aftree-oorde op Bela-Bela oorweeg voordat Renaissance se
bekostigbaarheid, netheid en uitstekende sekuriteit die deurslag gegee
het."
Hierdie raakvatter is
nog lank nie gereed om haar gemeenskapsbetrokkenheid in te kort nie. Sodra sy
haar voete in haar gerieflike eenheid gevind het, is sy voornemens om by ons
oord-aktiwiteite betrokke te raak.
No comments:
Post a Comment