Oord hou spesiale algemene vergadering

'n Spesiale Algemene Vergadering van die Warmbad Renaissance Bestuursvereniging het op 27 Augustus 2015 plaasgevind.

Raakvatter kies ons oord

Rina Steynberg

Rina Steynberg het voor haar aftrede in 1996, die kantoor van die toentertydse Departement van Mannekrag op Nylstroom bestuur, dien tans in die kerkraad en die sustersvereniging van die Hervormde Kerk op Bela-Bela, en is die sekretaresse van die Warmbad-tak van die Vroue Landbou-unie. Sy verteenwoordig ook haar VLU-tak in die Warmbad Boerevereniging.  Hierbenewens is sy 'n toegewyde ma van haar seun en geliefde ouma van drie kleinkinders.

Inwoners besoek Palms Renaissance Aftree-oord

Die Palms Renaissance Aftree-oord in Pretoria, is een van die Renaissance-groep se aftree-oorde. In teenstelling met die ander Renaissance-oorde, beskik die Palms oor geriewe vir verswakte persone. Klik HIER om meer van die Palms Renaissance te wete te kom.

Tot siens, Rina

Rina Triegaardt (84) se talle vriende en vriendinne het onlangs van haar afskeid geneem tydens 'n gesellige teedrinkery in die Nes.

'n Bewoë Rina Triegaardt by haar afskeidsgeselligheid in die Nes. Urte Daiber sit 'n vertroostende handjie by. Agter staan die drie aangewese bestuursders van die oord se diensbussie, (v.l.n.r.) Dimmie Smith, Hennie de Villiers en Gerhard van Rooyen. Rina was 'n gereelde passassier op die diensbussie wat sommige inwoners op Woensdae na 'n plaaslike sakesentrum neem om hulle weeklikse inkopies te doen.

Rina het aan die einde van Augustus na 'n versorgingsoord verhuis wat nader aan haar geliefdes in die Roodepoort-omgewing geleë is.

Toe sy en haar wederhelf, Louis, hulle op 13 Desember 1993 in Eenheid 59 tuisgemaak het, was sy 'n vietse en energieke 62-jarige. Vroeg in 1994 het hulle hulle intrek in Eenheid 75 geneem waar sy tot haar vertrek gewoon het.

Louis Triegaardt

Rina en Louis het gou 'n leidende rol in ons gemeenskappie gespeel. Sy het byvoorbeeld vanaf 1995 tot 2005 vrywillig die oord se biblioteek behartig. Op 8 Maart 2005 bedank die bestuurskomitee haar formeel vir haar "onbaatsugtige diens en pligsgetrouheid" ten bate van die inwoners.

Sy was ook tot onlangs ten nouste betrokke by die bedrywighede van die Sosiale Aksie-komitee, o.a. as sekretaresse.

Louis het haar op 4 September 2014 na 'n lang siekbed ontval. Hy was 81 jaar oud.

Warmbad Renaissance wens haar alles van die allerbeste in haar nuwe tuiste toe.