Willy Funchal

Willy Funchal

Die 59-jarige WILLY FUNCHAL (E85) is in Boksburg gebore en getoë, maar woon reeds ʼn geruime tyd lank in Bela-Bela. Hy het onlangs na ons oord verhuis, hoofsaaklik omdat dit hier so mooi, rustig, bekostigbaar en veilig is. Hy woon in E85.

Nadat hy sy skoolopleiding in 1976 aan die Benoni Technical High School voltooi het, het hy twee jaar lank in die argitektuur aan die Universiteit van Pretoria gestudeer. Daarna was hy ʼn boukontrakteur totdat hy in 2010 afgetree het.

Sy belangstelling in die argitektuur asook sy bedrewenheid in die rekenaartegnologie, het tot gevolg dat hy jare lank al intensief betrokke is by die rekenaargesteunde grafiese ontwerp (computer aided drawing) van geboue.

Ter afwisseling skryf Willy gedigte en e-boeke, en reis graag oorsee. Hy het twee kinders en twee kleinkinders.