Ons LO-groep onder leiding van Rina Steynberg (E105), was op
5 Junie een jaar oud.
Die doel van dié aktiwiteit is om inwoners te help om hulle stram lywe
soepel te probeer hou deur middel van liggaamsoefeninge wat spesiaal vir die
ouer garde ontwikkel is.
 |
| Kliphard aan't oefen |
Hierbenewens plaas deelnemers gereeld ʼn geldjie ten bate van CANSA (die Cancer Association of South Africa) in
ʼn boksie. Só ploeg hulle uit
dankbaarheid iets terug, enersyds vir CANSA se uitmuntende bydrae tot die
gemeenskap en andersyds uit dankbaarheid dat hulle nog soos jonger mense kan
bokspring!
 |
| Die geldboksie |
Op die eerste foto hieronder blaas Rina die kersie op die koek dood om
die verjaardagviering met koffie en beskuit in te lui. Op die tweede foto oorhandig
sy die jaar se opbrengs van R5 767.30 aan Ansie van Heerden. Ansie is die
gemeenskapsmobiliseerder (Community
Mobiliser) van CANSA se Waterberg-streekkantoor op Modimolle.
No comments:
Post a Comment