Die uitstekende
diens wat die sosiale aksie-portefeulje aan die oord en sy inwoners lewer, is
alombekend. Hulle is ‘n groep staatmakers wat funksies reël wat strek van
vetkoekverkopings tot deftige dinees.
Alhoewel die
funksies nie ‘n winsoogmerk het nie, gebeur dit soms dat ‘n klein wins wél opgelewer
word. Oor die jare heen het dit die sosiale aksie-portefeulje in staat gestel
om ‘n bederfie of wat ten bate van die oord en inwoners aan te skaf.
Onlangs het
die sosiale aksie-portefeulje besluit om ‘n bykomende yskas aan te koop en aan
die oord te skenk. Op die foto hieronder verskyn Emely Langa en Linkie Ellis by
die spoggerige nuwe Bosch-yskas wat onlangs afgelewer is. Emely is al 23 jaar
lank een van die sosiale aksie-portefeulje se steunpilare en Linkie behartig
die finansies.
No comments:
Post a Comment