Ons oord is ontwerp vir inwoners wat selfversorgend is. Dit beteken dat
dit nie oor geriewe beskik vir verswakte persone wat tydelik of permanent nie
daartoe is in staat is om onafhanklik in sy eenheid te kan aanbly nie.
Watter opsies bestaan dus vir inwoners wie se omstandighede
van so ‘n aard is dat dit aldus ons gedragsreëls, “‘n risiko, verleentheid of
oorlas vir ander inwoners skep”?
Vir ons inwoners is
dit gerusstellend om te weet dat dat daar 'n plek soos Palms Renaissance Aftree-
en Versorgingsoord in Pretoria is as hulle die stadium van hulle lewe bereik
wanneer hulle spesiale versorging nodig het.
 |
| Die ruim voorportaal skep 'n positiewe indruk |
Dié oord spesialiseer in die versorging van verswakte bejaardes,
insluitend pasiënte wat aan Alzheimer-, Parkinsonsiekte of ander vorme van
demensie ly. Hulle
word in gerieflike kamers gehuisves.
 |
| Die ontvangslokaal van die versorgingseenheid |
 |
| 'n Woonvertrek in die versorgingseenheid |
Inwoners van die
aftreeoorde binne die Renaissance-groep geniet voorkeurreg vir verskuiwing daarheen
indien hulle omstandighede dit noodsaak. Trouens ‘n hele aantal inwoners van
ons oord het reeds na Die Palms verhuis.
Die Palms se toegewyde personeel doen baie moeite om
inwoners te stimuleer. Hulle woon funksies en rolprentvertonings by, besoek die
goedtoegeruste biblioteek , woon
gereelde kerkdienste by en brei dikwels items wat aan hulpbehoewende kinders
geskenk word.
 |
| Die biblioteek |
 |
| Die kapel |
Hierbenewens word drie smaaklike maaltye per dag in
‘n aantreklike eetsaal bedien.
 |
| Die eetsaal |
Tree gerus met Jacky (014 736 5687) in verbinding indien u meer
inligting oor die Palms Renaissance Aftree- en Versorgingsoord in Pretoria
verlang.
No comments:
Post a Comment