 |
| Francois en Rina du Toit |
Voor hulle aftrede was Francois die bestuurder van
kwaliteitsversekering- en beheer (Quality Assurance & Control) by die
konstruksiemaatskappy, Murray & Roberts. Sy werk het dit van hom vereis om
gereeld in Suid-Afrika en elders in Afrika te reis. Rina was etlike jaar lank
die lone-administrateur (Payroll Administrator) by die BHP Billiton -myngroep
op Delmas.
Rina het op Balfour grootgeword en aan die Hoërskool
Balfour gematrikuleer. Francois is op Springs gebore en het sy skoolloopbaan
aan die Tegniese Hoërskool op Brakpan voltooi.
Francois en Rina is reeds 45 jaar getroud. Hulle het
twee kinders en 3 kleinkinders. Die kleinkinders woon saam met hulle ouers in
die VSA. Oupa en Ouma se harte trek uiteraard 'n punt daarheen al het hulle
reeds dikwels oor en weer gekuier. Soos sovele Suid-Afrikaanse oupas en oumas
moet hulle hulle maar verlaat op Skype om in verbinding te bly.
Op die vraag waarom hulle juis op óns oord as 'n
woonplek besluit het, sê hulle dat hulle talle opsies in hierdie geweste en in Pretoria
oorweeg het voordat die bekostigbaarheid van Warmbad Renaissance die deurslag
gegee het. Hierbenewens geval die klimaat, veiligheid, rustigheid (geen honde
nie!), mooi terrein en vriendelike mede-inwoners hulle. Hulle voel reeds tuis.
Die Du Toits sê dat hulle graag hulle vaardighede tot
voordeel van die oord wil aanwend. Francois het uitgebreide kennis en ervaring
in die konstruksiebedryf opgedoen, terwyl Rina op Delmas by gemeenskapsdiens
betrokke was.
No comments:
Post a Comment