Welkom by die webjoernaal van die Warmbad Renaissance-aftreeoord, Bela-Bela

Welcome to the blog of the Warmbad Renaissance Retirement Village, Bela-Bela

Soek 'n berig in Renaissance

Soek jy na 'n berig in hierdie webjoernaal? Volg die aanwysings hieronder.

Thursday 25 March 2021

Oord verwelkom Jan en Sonia Boezaart


 Jan (73) en Sonia (69) Boezaart het onlangs hul intrek in E73 geneem nadat hulle hul kleinhoewe in Pretoria-Oos om veiligheidsredes verkoop het.

Sonia is in Krugersdorp gebore en getoë. Nadat sy die skool verlaat het, het sy in die huwelik getree, dog haar eggenoot het haar ontval. Sy het haar mettertyd in die Warmbad-distrik bevind waar sy ʼn slaghuis bedryf het. Toe sy haar oë uitvee, verskyn Jan op die toneel. Dié  twee is uiteindelik in 2012 getroud. Jan was ook voorheen getroud. Hul het gesamentlik 5 kinders, 10 kleinkinders en 4 agterkleinkinders.

Jan is in Pretoria gebore waar hy ook grootgeword het. Nadat hy in 1966 aan die Afrikaanse Hoër Seunskool Pretoria (die nimlike Affies) gematrikuleer het, het hy ʼn diploma in die lugvaart-ingenieurswese behaal. Hy was vervolgens 25 jaar lank ʼn vlieënier in diens van die Suid-Afrikaanse Lugmag waar hy uiteindelik die rang van luitenant-kolonel beklee het. Nadat hy sy ontslag geneem het, was hy by die Wonderboomlughawe gemoeid met die instandhouding en sertifisering van vliegtuie.

No comments:

Post a Comment