 |
| Nita Kearney en Sue Bisschoff |
Nita Kearney (71) en Sue Bisschoff (63) het onlangs hulle
intrek in E51 geneem. Hulle is by die plaaslike hoofkantoor van Kentucky Fried
Chicken (KFC) werksaam. Nita is die opleidingsbestuurder. Sy is verantwoordelik
vir die ontwikkeling van KFC-werknemers se bestuursvaardighede. Sue is ʼn administratiewe beampte.
Sue is in Johannesburg gebore en het in Volksrust
grootgeword. Nadat sy in 1973 aan die Hoërskool Volkrust gematrikuleer het, het
sy hoofsaaklik administratiewe poste beklee, onder andere by verskeie
gevangenisse van die Suid-Afrikaanse Departement van Korrektiewe Dienste.
Hier het sy sowat vyftien jaar
lank gewerk. Sy was in 2001 en 2002 ons oord se administratiewe beampte.
Nita is in Kemptonpark gebore en het in Benoni grootgeword.
Sy het in 1966 aan die Hoër Tegniese Skool Benoni gematrikuleer. Hierna het sy
as ʼn teller by die voormalige Suid-Afrikaanse Permanente Bouvereniging begin
werk. Vervolgens het sy kwalifikasies in nywerheidsverhoudings, traumabera-ding,
kreatiewe skryfwerk en joernalistiek behaal. Les bes, sommige kindergedigte uit
haar pen is reeds in ʼn kinderpoësiebundel ingesluit en doen sy leeswerk op CD vir swaksiende
persone.
No comments:
Post a Comment