Ons het voorheen berig oor die puik diens wat die sosiale
aksie-portefeulje aan die oord en sy inwoners lewer. Hierdie groep staatmakers
reël funksies wat strek van vetkoekverkopings tot deftige dinees.
Alhoewel die funksies nie ʼn winsoogmerk het nie, gebeur dit soms dat ʼn klein wins wél opgelewer word. Oor die jare heen het dit die sosiale
aksie-portefeulje in staat gestel om ʼn bederfie of wat ten bate van die oord en inwoners aan te skaf.
Onlangs het die sosiale aksie-portefeulje besluit om ʼn nuwe stoof aan te koop en aan die oord te skenk. Op die foto hieronder
verskyn Bets en Braam Cilliers by die spoggerige nuwe Defy-stoof wat onlangs
afgelewer is. Bets is die sekretaris en Braam ʼn gewaardeerde addisionele lid van dié portefeulje.
No comments:
Post a Comment