Nes die
spreekwoordelike kat(-te) wat weer kom, het Sonja (51 ) en Johan (70 )
Smalberger twee jaar nadat hulle elders op die dorp gewoon het, na die veilige
rustigheid van Warmbad Renaissance teruggekeer waar hulle voorheen gewoon het.
 |
| Johan en Sonja Smalberger |
Sonja is die hoof
van die Bela-Bela-tak van die Suid-Afrikaanse
Poskantoor Bpk. Nadat sy in 1983 aan die Hoërskool Groblersdal gematrikuleer
het, het sy by haar huidige werkgewer in diens getree, hard gewerk, talle
indienskursusse bygewoon en in 2013 die plaaslike posmeester geword.
Johan is op Volksrust gebore en het op die familieplaas tussen Volksrust
en Wakkerstoom grootgeword. Weens spina
bifida, ‘n aangebore afwyking van sy ruggraat, is hy fisies gestremd. Hy is
egter ‘n intelligente, welsprekende en blymoedige, man wat vir vele uitdagings
kans sien. Nadat hy sy skoolloopbaan aan in 1965 aan die Meerhofskool voltooi
het, is hy terug plaas toe om te leer boer.
Hulle is in 1988 op Groblersdal getroud en het een dogter en ‘n
kleindogter op wie hulle versot is.
No comments:
Post a Comment