 |
| Borries en Anda Bornman |
Anda het op Krugersdorp grootgeword waar sy matriek aan die Hoërskool
Jan de Klerk geslaag het. Daarna is sy na die Universiteit van Potchefstroom
waar sy die B Sc-graad (Dierkunde en Sielkunde) behaal het. Sy het vervolgens
by verskeie skole aan die Rand onderwys gegee totdat sy voortydig in 1992 as
Departementshoof (Biologie) aan die Westridge High School uitgetree het.
Borries is in Vereeniging gebore en getoë. Nadat hy matriek aan die
Hoërskool Vereeniging geslaag het, het hy ‘n onderwysdiploma in handelsvakke
aan die toentertydse Heidelbergse Onderwyskollege behaal. Hy was later, onder
andere, Departementshoof (Handelsvakke) aan die Hoërskool Monument op
Krugersdorp en Hoërskool Warmbad.
Nie alleen was Borries ‘n knap rugbyspeler nie, maar het uitgeblink as
‘n rugbyafrigter van skool- en Cravenweekspanne. Hy was byvoorbeeld etlike jare
lank die afrigter van Transvaalse en Verre-Noord Cravenweekspanne waar sy paaie
gekruis het met seuns wat later beroemde Springbokke geword het: Brendan Venter, Adriaan
Richter, James Small en Victor Matfield.
Borries en Anda is in 1971 getroud en spog met drie kinders en 8
kleinkinders.
Dié vriendelike egpaar is gaande oor hulle nuwe blyplek. Hulle bestempel
hulle verblyf in Warmbad Renaissance as een lang vakansie in ‘n rustige, mooi
en veilige omgewing!
No comments:
Post a Comment