A Piece of wisdom!

 

Uittreksels uit die 4de Kwartaal se Nuusbrief

                                                                           VOORBLAD

“ Daar is altyd blomme vir dié wat hulle wil raaksien”

-      Henri Matisse -

Die Voorsitter se boodskap

Die eerste reënbuie het geval en ons skep moed vir goeie opvolg reën. Dit is nie net hier waar daar droogte is nie maar na al die hewige veldbrande het nood oral ingetree. Met ons buurlande gaan dit ook nie so goed nie. Diere vrek van ʼn tekort aan weiding. In die oord het die waterverbruik die hoogte in geskiet, dan sien ʼn mens wat die verskil is, van ʼn tuin teenoor wat die veld nodig het om voedsel te produseer. Ek doen ʼn beroep op almal dat, wanneer jy jou tuin natmaak, bid vir die boere en plekke waar net reën die uitkoms kan bring.

Die einde van 2024 is plus minus 60 dae ver en daar moet nog baie sake afgehandel word. Die Algemene Jaarvergadering, die kies van lede wat op die Bestuurskomitee gaan dien. Hiermee doen ek dan ook ʼn beroep op die inwoners, as u weet van persone wat bereid is om op die komitee te dien, hul te nomineer sodat 2025 se bestuur u goedkeuring sal wegdra.

Ek en Magda wil net ons dank betuig aan al die inwoners wat per boodskappe en gebede, ons gedra het tydens haar siekte. Ons dank ons Hemelse Vader vir al die omgee mense wat Hy oor ons lewenspad gestuur het.

Baie welkom aan al die nuwe eienaars en huurders wat Renaissance gekies het as ʼn tuiste. U is welkom om enige tyd per afspraak na my kantoor toe te kom.Ek sal beskikbaar sal wees.

Seënwense,

 

 

 

 

Wessie v/d Westhuizen

 

JUST SOMETHING THAT WE ALL CAN RELATE TO!

 

Hopefully our men folk are not part of this competition

Are there residents in this scenario? 

Bietjie Inspirasie!!

 

Net iets om aan te dink!

Inspiration!

 Just something to think about!!

Uittreksels uit die nuutste (3de kwartaal) se Kwevoel

 Neem asseblief kennis dat alle berigte geplaas sal word sonder meegaande persoonlike fotos want slegs met toestemming van die persone wie se fotos verskyn, mag dit geplaas word. Groot boetes kan gevra word as 'n persoon se foto sonder medewete op sosiale media verskyn. Ek loop liewers katvoet met sulke dinge. Die Nuusbrief met al die bygaande fotos is egter aan al die inwoners beskikbaar hetsy in hul posbusse of per e-pos.

Slangpark is ‘n lus vir die oog 

Wherever life plants you - bloom with grace

XXX

Wessie se brief uit Pretoria

Sedert die vorige nuusbrief, het Renaissance baie skommelinge beleef. Heelwat inwoners het verhuis en ons sal hulle mis. Julle het tydens jul verblyf, positiewe bydraes gelewer wat ons waardeer. Ons bid julle ’n voorspoedige verblyf toe in jul nuwe tuistes.

Die Bestuurskomitee is ook nie gespaar nie. Weens siekte en gesondheids-probleme het Rina Steynberg bedank. Rina du Toit het bedank as onder-voorsitter vanweë haar man se siekte. Sy is nog besig om uit te help tot dinge weer rustig raak. Ek self was sedert 3 Junie in Pretoria met Magda se siekte. Baie dankie aan die inwoners vir jul omgee en gebede. Daar was dae wat my totaal onder gekry het. Dat iemand se liggaam so vinnig van stabiel tot kritiek kan verander...

Dit het my laat dink aan die oupa wat vir sy kleinseun vertel het van die twee wolwe wat aan die baklei is in die mens - die wit wolf (positief) en die swart wolf (negatief).

Op die seuntjie se vraag watter een wen, het die oupa geantwoord: “Die een wat jy die meeste kos gee.”

Dit het summier my uitkyk verander en besef dat positiewe gedagtes my die situasie beter sal kan laat hanteer.

Ons dink ook aan Werner en ander inwoners met hul gesondheid.

Die jaar snel ten einde en baie moet nog aangespreek word. Dis nou u voorreg om kandidate te werf vir die 2025 BK. Dankie aan die inwoners wat van ons oord ’n beter plek maak, dit word waardeer, i.e. die funksies, die bussie, die Kwêvoël, die bestuurslede wat uithou en aanhou.

XXX

Life’s garden

Plant three rows of peas: Peace of mind, Peace of heart, Peace of soul

Plant four rows of squash: Squash gossip; Squash indifference; Squash grumbling; Squash selfishness

Plant four rows of lettuce: Lettuce be faithful; Lettuce be kind; Lettuce be obedient; Lettuce really love one another

No garden is complete without thyme: Thyme to care, Thyme to laugh, Thyme for one another

Water freely with patience and cultivate with love

You will have much fruit in your garden if you abide by all of these things

XXX

Vetkoek bak

Fyn beplanning, die gaarmaak van vleis vooraf en ‘n welkome deeg-donasie van Pick & Pay – en die dames van ons oord is aan die werk.

Prettige samekoms, nuwe intrekkers wat inskakel en ons maak lag-lag korte mette met 200+ vetkoek bestellings.

XXXX

MJ van den Berg (E100)                                                      Ronèl van der Walt

Met genade van Bo, het die Vader ons pa, oupa en oupagrootjie gespaar sodat ons saam met hom sy 95^ste verjaarsdag kon vier. Hy het 20 Junie verjaar.

Oupa MJ het 8 kinders, 28 kleinkinders en 17 agterkleinkinders.  

XXX

God se groter prentjie                                                              Dr Chris Harris 

 

Genesis 45:4-7

Maar hy het vir hulle gesê: “Kom na my toe!” en toe hulle nader kom, sê hy: “Ek is julle broer Josef. Julle het my verkoop, en ek is Egipte toe gebring.

Maar julle moet nou nie sleg voel of bang wees omdat julle my verkoop het nie, want God het my voor julle uitgestuur om lewens te red.

Dit is nou maar die tweede jaar van hongersnood in die land. Daar lê nog vyf jaar voor waarin daar nie geploeg of geoes sal word nie.

God het my voor julle uitgestuur om vir julle 'n oorblyfsel in hierdie land te laat oorbly, om julle aan die lewe te hou en sodat baie aan die dood sal ontkom.

 God roep ons om verby persoonlike onreg en seerkry te kyk in belang van Sy plan vir ons lewens.

 Josef is 'n ondenkbare en intense onreg aangedoen deur sy eie broers wat hom as slaaf verkoop het en sy pa laat glo het dat hy deur 'n roofdier verskeur is (Gen 37: 17-36). 'n Mens kan jou net indink hoe groot sy wroeging en innerlike pyn moes wees. Ons lees van sy oorweldigende emosies toe hy na baie jare sy broers weer voor hom sien staan, sonder dat hulle hom herken het (Gen 42-45). 'n Mens kry die indruk dat hy in hierdie proses moes leer om sy emosies te bestuur en hom moes weerhou van wraak en vergelding - hoewel hy aanvanklik 'n kat en muis speletjie met sy broers gespeel het. In die proses het hulle tot berou gekom oor hulle gruwelike daad van die verlede.

 Josef styg bo sy innerlke verwonding uit wanneer hy sy eie verhaal herinterpreteer in die lig van God se groter prentjie: Maar julle moet nou nie sleg voel of bang wees omdat julle my verkoop het nie, want God het my voor julle uitgestuur om lewens te red (45:5).  Die grootsheid hiervan bring nie net versoening tussen hom en sy broers nie, maar ook 'n toekoms vir sy familie.

 Nelson Mandela se bekende woorde oor vergifnis na sy vrylating inspireer my telkens wanneer ek dit lees: As I walked out the door towards the gate that would lead to my freedom, I knew if I didn't leave my bitterness and hatred behind, I'd still be in prison.  Sy groot insig as leier word bevestig in sy bekende woorde: As I have said, the first thing is to be honest with yourself. You can never have an impact on society if you have not changed yourself... Great peacemakers are all people of integrity, of honesty, but humility.

 God het vir ons voorbeelde uit die Bybelse tyd gegee van sulke visionêre leiers, waarvan Josef een was. Hy het ook in ons moderne tyd gewys dat dit steeds moontlik is. Hy spoor ons daardeur aan om te bly soek na die groter prentjie - verby ons eie pyn en onreg.

 My gebed:

Here, help my om bo my eie pyn en seerkry uit te styg op soek na U groter plan!

                                                           XXX

Pafuri                    Johan Koortz (E32)

Wat begin het met ‘n geselsie oor die voëllewe in die noorde van die Kruger Wildtuin en Pafuri, het uitgeloop op drie kuiers, met pizza om die beurt, by elke eenheid. Ons moes bespreek hoe die “Ons gaan saam”- toer ‘n werklikheid kon word. Daar was natuurlik nie ‘n gebrek aan belangstelling nie en die toer is op kort kennisgewing gefinaliseer.  Die gevolg was dat Philip en Ingrid van den Berg (E34), Johann en Linda Benade (E86) en Johann en Bonnie Koorts (E32) met groot opgewondenheid op die 13de Junie 2024 vertrek het na Pafuri waar ons vir ses nagte sou oorstaan en daarna vir twee nagte in Mopanie. Die eerste stop was middagete by die Sitrus Stalletjie naby Tshipise en die eerste aand, heerlike braaivleis en braaibroodjies by ons tentkamp in Nthakeni Bushveld Camp. Ons het elke aand groot vuur gemaak en gelukkig was dit nie koud nie. Die pragtige natuurskoon langs die Levhuvhu-rivier was prentjiemooi en die voëls het nie teleurgestel nie. Met Philip en Ingrid as gidse en hulle uitgebreide kennis na jare se navorsing en boeke skryf, was dit net ‘n onvergeetlike ervaring. Almal was begeesterd om ‘n nuwe voëltjie te identifiseer onder Philip se leiding en daar was nie ‘n oomblik van verveling nie. Die stories om die kampvuur en die ervarings in daardie gedeelte van ons land gedurende die agt dae van die toer, sal ons almal nog lank bybly. Elkeen het op sy manier gesorg vir ‘n snaakse oomblik en daar was baie!

Hoe sê die spreekwoord: “What happens in Pafuri stays in Pafuri!”     

XXX

ONS GROET 'N PAAR INWONERS 

Dalla Posthuma (E112)

Na tien jaar, trek sy Middelburg toe – ons ‘suster’ wat altyd sou help.

Trynie Marx (E114)

Vir twaalf jaar het Trynie hier gewoon, altyd ’n glimlag op haar gesig. Sy is baie opgewonde om in Witbank by die kinders te gaan woon.

Barry en Rita Vosloo (E119)

Hulle trek Tzaneen toe na elf jaar in Warmbad. Barry was voorsitter, onder-voorsitter en het kommunikasie hanteer vir ’n tyd lank. Hy het die webblad begin en vir etlike jare die Kwêvoël gedoen. Rita het die sosiale aksie hanteer.

John and Colleen Meredith (U50)

A change of scenery for these two. They are moving to the Western Cape – George – after seven years in Bela Bela.

 Hennie en Ilse Kotze (E52) 

 Na amper tien  jaar in Renaissance, verhuis hulle na Pretoria.

XXX

NUWE INTREKKERS

Pieter en Anna Bischoff (E46)

Dié twee toer graag die land vol met hul karavaan en nadat hulle in 2020 vir twee maande in die Warmbad omgewing gekampeer het, het hulle van die klimaat gehou en besluit om Pretoria vaarwel toe te roep en Bela Bela hul tuiste te maak.

 Saam het hulle ses dogters en sewe kleinkinders.

 Michael Freeman en Rita de Kok (E21)

Michael en Rita het die stadslewe verruil vir Bela Bela. Michael se twee dogters woon in die buiteland, Rita se seun woon in Suid-Afrika en haar dogter is ook oorsee.

Michael hardloop en lees graag. Rita hou van stap, Pilates en joga. Sy doen graag naaldwerk. Hulle kyk graag voëls.

Tussen die twee van hulle, het hulle ses kleinkinders. 

Kobus en Annette Pretorius (E131)

Na dertig jaar in Brakpan, het hulle besluit om af te tree en hul keuse was die Bosveld.

Annette hou van tuinmaak, ‘word search’ en blokraaisels – wat sy en Kobus saam aanpak.

Kobus hou van rekenaarspeletjies en vind altyd iets vir sy hande.

Hulle het een seun, Jacques, wat in Boksburg woon, nog enkellopend.

      

 ONS VERWELKOM NUWE INWONERS

Nolene Botes (E83)

Noleen kan nie stilsit nie. Sy werk tans in die finansiële afdeling van ’n plaaslike afslaersonderneming.

Sy het twee kinders. Haar seun woon in Pretoria en haar dogter, in Modimolle. Sy is die trotse ouma van twee kleingoed.

Haar wederhelf, Barry, is in 2022 oorlede en het sy hul plaas “Tweefontein” weens veiligheidsredes vaarwel toegeroep om haar in ons oord te vestig waar sy hoop dat sy - met die hulp van Bo - ’n nuwe begin en nuwe vriende sal maak.

Noleen stap graag, skilder, lees en vroetel in die tuin.

Johlene Coetzer (E14)

Johlene kom oorspronklik van Winterton af waar sy ’n gastehuis bedryf het. Nadat sy besluit het om dit te verkoop, het sy twee jaar lank in Hermanus gewoon. Sy het saam met haar dogter by skoonsus, Ingrid van den Berg (E34), kom kuier en summier besluit om haar in ons oord te vestig.

Haar seun en dogter is in Johannesburg woonagtig. Sy is die trotse ouma van drie kleinseuns en een kleindogter.

Johlene is ’n kreatiewe persoon wat pragtige leerhandsakke maak.

 DIE VOORSITTER VAN DIE BESTUURSKOMITEE SE BOODSKAP - 2/2024

Kwêvoël is een van die die mediums waardeur nuus van die oord versprei word. Om nuus te publiseer, is dit noodsaaklik dat die inligting waar en korrek weergegee word. Hoorsê-inligting kan baie verleentheid en ongelukkigheid veroorsaak by die persoon of persone wat ter sprake is. Indien iemand te na gekom is, vra ek namens die bestuurskomitee om verskoning vir die foute. Ons is maar net mense en vertrou dat die inligting wat ontvang word, aan die vereistes voldoen.

Die bestuurskomitee is nie ʼn geheime organisasie nie en vra u om te deel met die inwoners wat vir u mooi is en ook wat vir u ʼn saak van bekommernis is. Dit is nie nodig dat u huis ʼn plek van afsondering moet wees net omdat u ’n afgetredene is nie. As u ongelukkig is met ʼn persoon, is dit nie nodig om daardie persoon se eiendom te beskadig nie. Afguns is ʼn lelike eienskap en dit bring net chaos en verdeeldheid.

Baie dankie aan die inwoners wat bereid is om te help met oord-aftiwiteite, byvoorbeeld die bak van vetkoeke en diegene wat dit koop, die instandhouding van tuine en terrein, bure wat mekaar help waar daar nood ontstaan, mense wat help wanneer iemand geval het, wat beseerdes na die dokters neem, die bestuur van die bussie, ens.

Baie dankie aan almal wat betrokke is by die werksaamhede van die Kwêvoël. As u nie die nuusbrief wil ontvang nie, sê vir my, dan sal ons nie een in u posbus plaas nie. Dit is nie nodig om dit op te skeur en in die vullisblik te gooi nie.

Ek wil al die bestuurslede bedank vir hul ondersteuning. Sterkte vir die res van die jaar                

Groete, 

Wessie van der Westhuizen

Another Goodbye!!

 

Roger Kennard (U117) is also leaving Renaissance after 19 years on Friday, 26 April 2024, and is moving to 'Huis Herfsblaar'. Unfortunately, he could not join us at the Lapa to say goodbye to him, but we wish him all the best in the future.

Ons groet Hennie Stoop (E91)

 

Hennie en sy vrou Nella het na sy 60^ste verjaarsdag, in Desember 1998 vanaf die Wesrand (Krugersdorp) in sy eie woorde “jonk, fris, lus en gesond” in Renaissance ingetrek.

Daar was geen beduidenis van ‘n tuin nie. Saam met ‘n handlanger het hulle al die ou sementsakke, platgetrapte verfblikke en klippe opgegrawe. Eiehandig het Hennie die tuin uitgelê en gevestig en tot vandag versorg hy nog self die tuin.

 

Hy was jare lank lid van die Bestuurskomitee en verantwoordelik vir tuindienste. Die BK lede het almal baie lekker saamgewerk. Hulle het om die beurt daagliks die hek vir ‘n uur beman tydens die ruil van die wagte se skofte. Wagte het net 8 ure gewerk.

 

Die oord het oor ‘n Interkomstelsel beskik wat ‘n baie effektiewe kommunikasie kanaal was vir alle inwoners. Noodgevalle, tuin- en instandhoudingsdienste versoeke, alle terugvoer, inligting en kennisgewings het per interkom geskied.

 

Een maal per jaar het Renaissance ‘n stokperdjieskou aangebied, waar inwoners hulle stokperdjies uitgestal en verkoop het. Rusoord, ouetehuise en ander het uitnodigings ontvang. Stokperdjies het naaldwerk, skilderkuns, houtsneewerk en vele ander ingesluit.

 

Vir etlike jare was Hennie ook voorsitter van die veerpyltjies groep en van Warmbad se stapklub, waarby Nylstroom inwoners ingesluit was.

 

Hy het goeie jare hier met vriende gehad, liefde ervaar en ook hartseer beleef met die afsterwe van sy oudste seun in 2005 en 9 jaar later sy vrou. In Julie 2014 was hulle 55 jaar getroud en sterf sy in diselfde maand. “Ek gaan met ‘n swaar hart hier weg na 25 jaar”. Hy trek Kaap toe waar sy dogter woon. Sy gesondheid en veroudering gaan toekomstige ondersteuning en versorging vereis.

 

Hennie vier in Maart sy 86^ste verjaarsdag in die Kaap met sy kinders en kleinkinders. Ons wens hom God se seën toe – liefde, genade en Sy Heilige teenwoordigheid.

Almal het op Woensdag 24 April 2024 by die Lapa amptelik van hom afskeid geneem en sy trekkery het op 25 April plaasgevind. Voorspoed en alles wat mooi is ou Hennie Pennie.

Die Voorsitter se skrywe vir die 1ste kwartaal se Nuusbrief!

 Die Voorsitter                        Wessie van der Westhuizen

 

Na die versengende hitte, is ons dankbaar vir die reën wat ons ontvang het. Die droogte het ons weereens gewys hoe afhanklik die natuur van water is. So is die mens ook afhanklik van mekaar. Ek het die volgende geskrewe boodskap gelees en wil dit graag aan u deurgee:

“Ek voel so jammer vir mense wat mekaar nie kan vergewe nie.

Jammer vir mense wat mekaar nie kan verdra nie, vir dié wat neersien op ander.

Jammer vir mense wat dink hulle is beter as ander en hulle so maklik afskryf.

Jammer vir mense wat ander se verlede teen hulle hou.

Jammer vir hulle wat dink iemand se waarde word deur materiële dinge en voorkoms bepaal”.

Ons is hier op aarde om vir mekaar lief te wees, ons is mos immers die beeld van God. Kom ons respekteer mekaar se menswees. God seën u.

 

Met hierdie in gedagte kan ons 2024 en Warmbad Renaissance ʼn vreugdevolle jaar en tuiste maak.

5. Kersfees 2023 en Nuwejaar 2024!

 Net so 'n klein kykie op wat nou al 'n paar maande terug gebeur het.

1.Kersfees funksie was weereens 'n groot sukses. Dit spreek uit die feit dat 128 inwoners dit bygewoon het en die kos was uit die boonste rakke!. Dankie aan ons Funksie groep wat soveel moeite doen om dit vir almal so ver moontlik, dit aangenaam te maak.

2. New Year's Braai

Thirty-five residents attended the braai. Sollie made ‘krummelpap’, Esta made the seshebo. It was a pleasant evening.

4. Die kVA storie gaan voort.

 2de Deel van Johann Benadie se kVA verslag

kVA - Hoe word dit gemeet? In ‘n vorige artikel is daar gekyk na wat kVA is. Maar hoe word dit gemeet? Johann Benade kVA is ‘n soort premie wat ons betaal vir die voorreg om altyd voldoende elektrisiteit tot ons beskiking te hê. Wanneer ons sekere gebruikslimiete oorskry, word ons beboet. Wat is die limiete en hoe word die boete bepaal? Die slegte nuus is dat die oomblik wat jy iets in jou huis aanskakel, begin die boete alreeds. Dit is a.g.v. die manier waarop die kVA-meter werk. Daar is nie ‘n minimumlimiet nie en gevolglik sal ons nooit ‘n nul kVA-rekening kry nie. Daar is ook nie ‘n maksimumlimiet nie en gevolglik - “the sky is the limit”. Dink vir ‘n oomblik aan jou kar se spoedmeter wat ook die afstandmeter insluit. Die spoedmeter het ‘n naald wat beweeg soos jy vinniger en stadiger ry. Dit meet koers, nl. km/h. Die afstandmeter toon die afstand aan wat jy gery het , ongeag of jy vinnig of stadig ry, in km. Die een meter dui dus twee verskillende dinge aan, nl. spoed en afstand. Die munisipaliteit se meter, wat Renaissance se elektrisiteitsverbruik meet, werk soortgelyk. Dit meet beide kWh en kVA. Die kWh-meter-gedeelte werk net soos die kWh-meter by elke wooneenheid. Aan die begin van die maand word die lesing geneem en dan weer aan die einde van die maand. Die verskil tussen die twee lesings, is die hoeveelheid elektrisiteit, in kWh, wat jy gedurende die maand gebruik het. Jy kan alles in een dag gebruik, of oor ‘n maand. Die munisipaliteit se kVA-meter werk so: Daar is ‘n elektriese spoel in die meter wat ‘n rooi naald laat beweeg. In die nag, wanneer almal slaap, gebruik ons min krag en die rooi naald beweeg net ’n effens (lae spoed). Wanneer almal opstaan en koffie maak en die geisers aanskakel, wasgoed was en stofsuig, beweeg die rooi naald baie verder (hoë spoed). Daar is egter ook ‘n swart naald - die sg. vlieg in die salf. Die swart naald word deur die rooi naald gestoot. Die swart naald steek vas op die enkele hoogste kVA-lesing wat die rooi naald gedurende die maand mag aandui - al sou die kVA- verbruik en die rooi naald elke nag weer daal. Dit is die boete-snelheid. Die kernbegrip is dat dit ‘n eenmalige gebeurtenis gedurende ‘n betrokke maand is. Dit is dáárdie dag toe té véél inwoners gelyktydig té véél toestelle aangeskakel het, waarskynlik net na ’n kragonderbreking. Dit kan enige dag van die week en enige tyd van die dag gebeur. Nadat die munisipaliteit die lesing van die swart naald aan die einde van die maand geneem het, stel hulle die swart naald weer terug na sero. Daar is ‘n aantal inwoners wat “kragboksies” het wat Eskomkrag gebruik om ‘n battery te laai wat gedurende beurtkrag 230 V wisselstroom kan lewer. Sommige inwoners het groter stelsels wat etlike kW kan lewer. Wanneer die krag na ‘n kragonderbreking weer aanskakel dan begin al hierdie stelsels gelyktydig ook weer om te laai vanaf Eskom. Dit verhoog natuurlik die kVA verbruik en veroorsaak waarskynlik dat ons almal indirek beboet word. Een munisipale meter meet die hele Renaissance se kVA. Al die eenhede se kVA’s word bymekaar getel Renaissance word beboet. Dit differensieer nie tussen inwoners nie. Die kVA aanslag wat Renaissance elke maand van die munisipaliteit ontvang word pro-rata, volgens elke eenheid se kWh-verbruik, toegedeel aan daardie eenheid. Om almal te beskerm hierteen, is die enigste plan dat niemand van ons ooit ‘n hele aantal elektriese toestelle gelyktydig moet aanskakel nie. In motorterme gesê, elkeen moet gedurig so stadig as moontlik ry. Vergelyk dit met Renaissance se bussie wat elke dag Pretoria toe ry, maar elke dag met ‘n ander bestuurder. Party jaag en ander ry rustig. Aan die einde van die maand kry Renaissance al die boetekaartjies saam as een groot boete en al die inwoners moet help betaal aan die boete, ongeag wie die sondebokke is. Inwoners kla dikwels dat hulle kVA-aanslag van maand tot maand varieer, al was hulle kWh verbruik redelik konstant oor maande. Dit is omdat die totale kVA van Renaissance van maand tot maand varieer weens verskeie faktore wat van huis tot huis en maand tot maand wissel. Beurtkrag is een van die faktore en hoe hoër die fase - hoe groter die impak. Daar is opsies wat ons kan aanwend om minder kVA te gebruik, maar dit veroorsaak ongerief. Onthou julle in die jare tagtig met die brandstoftekort toe ons teen 80 km/h moes Kaap of Durban toe ry vir die skoolvakansie en nie snags en oor naweke brandstof kon koop nie? Die ongeluksyfers op die paaie was ook baie laer. Ons het lewens, brandstof en geld gespaar. ‘n Nuwe probleem is ‘n tekort aan water en baie inwoners het ‘n eie noodwatertenk met ‘n klein pompie aangeskaf. Dit werk soos die kragboksies hierbo genoem. By die een laai die batterye wanneer Eskom krag verskaf en die ander tap vol wanneer daar munisipale water is. Beide is slegs oorbruggingstelsels en help jou uit in ’n noodgeval (soos ’n noodwiel). Dink bietjie hieroor na : Na ‘n kragonderbreking skakel al die pompies en al die kragboksies en sowat 200 ys- en vrieskaste almal gelyktydig aan. Plus ‘n klomp geisers, ketels, mikrogolfoonde en selfs lugversorgers. Ons jaag gevolglik deur die kVA-snelstrik. Soos dit ‘n uitgeslape verkeersman betaam, wag hy vir dáárdie dag wat ons die vinnigste ry en vang ons in sy kVA-strik. Een van Murphy se wette. Volgende keer gesels oor noodwaterstelsels in ons Oord. 

2. Nuwe webblad

 Na ons vorige webblad nooit deur die gasheer onderhou was nie, het die hele ding tot niet gegaan. Na vele rond vraery het ons van Caricke gehoor. Dit is 'n dame wat op Droogekloof bly en feitlik al die besighede wat in die dorp 'n webblad het, gehelp het. Sy het ingestem en na 'n paar maande se wroeg om alles in plek te kry, is ons nou weer op die lug. 

Ons is te dankbaar dat die publiek daar buite weer van ons Oord kan kennis neem. 

Dus, welkom terug aan almal wat ons nuus opvolg en enige kommentaar hetsy goed of sleg sal waardeer word.

1. Agterstand word ingehaal

 

Gedurende die tydperk Desember 2023 en April 2024 was daar doodse stilte op hierdie front. Nie omdat daar nie nuus was nie maar tegnologie boikot of kniehalter 'n mens soms.

"n Skamele poging gaan nou aangewend word om op te maak. As van die nuus ou nuus is, ekskuus,

maar ek moet iewers begin en dit is partykeer moeilik om in die verlede rond te krap sonder om dinge te herhaal.

3. kVA kwessie

 Uittreksel uit die 4de kwartaal se nuusbrief

Van iemand af wat weet waaroor ons inwoners bekommerd is en nie verstaan! Dankie Johann

kVA  -  Wat is dit ?                                                                     

Op ons maandelikse state wat ons vanaf Renaissance ontvang, is daar twee inskrywings wat betrekking het op elektrisiteit, kWh en kVA.

kWh verwys na die totale hoeveelheid elektrisiteit wat jy gedurende ‘n bepaalde  maand verbruik.

kVA verwys na die maksimum tempo waarteen  jy elektrisiteit gedurende ‘n bepaalde tydperk verbruik het. Hierdie tydperk kan van korte duur wees soos ‘n uur of so. kVA kan  gesien word as ‘n soort boete wat gehef word vir ’n te hoë tempo van verbruik. Dis soos om met jou motor deur ‘n snelstrik te jaag. Hoe vinniger jy op daardie stadium gery het, hoe hoër is die boete - ongeag of jy net na Pretoria of dalk na Kaapstad toe oppad was.

Hier is  twee scenarios.

Scenario A

Jy bak op Maandag ‘n koek in die oond, Dinsdag kook jy ‘n pot sop op die stoof, Woensdag besluit jy om te stort en skakel die geiser aan, Donderdag stofsuig jy al die matte in jou huis, Vrydag was jy wasgoed in jou wasmasjien en tuimeldroog dit daarna en Saterdag stryk jy al die wasgoed. Jy het dus elke dag een of ander elektriese toestel in jou huis vir ‘n tydlank gebruik. Daardie verbruik word as kWh op die meter langs jou huis geregistreer.

Scenario B

Die volgende week hoor jy dat iemand kom vir ‘n paar dae kuier en jy moet noodgedwonge  ál die takies wat jy die vorige week oor ses dae uitgevoer het, nou  sommer in één dag afhandel. Aan die einde van daardie dag het jy net soveel krag as in scenario A verbruik, so die kWh is dieselfde. Maar hierdie keer het jy al daardie krag in net één dag gebruik, m.a.w. die tempo van krag-verbruik  was in scenario B baie hoër as in scenario A. Dit word gemeet in kVA.

So, wat maak dit saak of ek al die krag in een dag of oor ses dae gebruik? Dis mos dieselfde hoeveelheid krag! ☹

Gestel jy gebruik  jou eie generator om elektrisiteit op te wek. In scenario A gebruik jy min krag op ‘n bepaalde tydstip en ‘n klein generator sal voldoende wees. Jy kan dit selfs afskakel van tyd tot tyd. In scenario B gebruik jy baie meer krag op ‘n bepaalde tydstip want jy het die geiser, die oond, die stoof en die wasmasjien dalk alles gelyktydig aan.  Jy sal dus ‘n baie groter generator benodig en dit sal heeldag aangeskakel moet  wees. Wanneer die kuiergaste weer weg is, sal ‘n klein generator weer voldoende wees, maar jy moes  noodgedwonge  ‘n groter een koop vir tye soos wanneer jy gaste kry. Meeste van die tyd werk die groot generator egter nou  halfstoom want dit is eintlik té groot . Jy moes egter die kapitale uitleg maak vir die groter generator wat jy net soms gebruik. Dis onproduktief en onekonomies.

Eskom is in dieselfde bootjie. Hulle moet groot kragstasies en groot netwerke en baie mense hê om elektrisiteit te enige tyd en oral  te verskaf wanneer  huishoudings én fabrieke dit benodig, dag of nag.  Snags en oor naweke en vakansies sluit baie  fabrieke en die kragverbruik verminder drasties, maar al die kragstasies en netwerke en mense is steeds daar en dit kos deurlopend geld. Omdat die verbruik dan laer is, is Eskom se inkomste uit die verkoop van elektrisiteit ook laer, dit is weereens  onproduktief en onekonomies - maar dis nodig.  Sien kVA dus as ‘n soort versekering met ‘n gereelde premie  wat ons betaal vir die gerief om altyd voldoende elektrisiteit te hê. (Knyp maar vir eers jou oë toe vir beurtkrag)

Renaissance koop grootmaat elektrisiteit aan van die munisipaliteit. Dit word gelewer teen 11 000 Volt, 3-fase. Ons skakel dit om na 230 Volt, 1-fase, en versprei dit dan na elke wooneenheid. Die rekening vir grootmaat elektrisiteit, soos aan Renaissance en fabrieke gelewer,  bestaan ook  uit kWh- en kVA- komponente. Grootmaat elektrisiteit, ten spyte van die kVA-heffing, is steeds  goedkoper as die elektrisiteit wat aan die dorpsmense verskaf word teen net kWh-tarief. Grootmaataankope is altyd goedkoper per eenheid, soos bv. grootmaat melk,  grootmaat toiletpapier en grootmaat mieliemeel.

Die kVA-rekening vanaf die munisipaliteit word pro-rata volgens elkeen se kWh-verbruik onder inwoners verdeel. Dit varieer dus maandeliks. Al is Renaissance se kWh-rekening die volgende maand dieselfde as die vorige maand, sal die kVA-rekening nogtans  verskil, omdat die tempo van verbruik van dag tot dag en uur tot uur en selfs minuut tot minuut, varieer. Jy ry nie altyd dieselfde spoed wanneer jy deur die snelstrik ry nie en gevolglik varieer die boete ook. Hierdie boete word pro-rata onder inwoners verdeel en wys as jou kVA-aanslag.

Volgende keer kyk ons na hoe die snelstrik werk en of ons dit dalk kan omseil - of minstens die boete kan verlaag. 😊

 Johann Benade