In E107 woon een van diegene. Haar naam is Ria Bester.
 |
| Ria Bester |
Dit
het moeite gekos om Ria te oorreed om te gesels oor
haar betrokkenheid by die Kankervereniging van Suid-Afrika (KANSA), die
Suid-Afrikaanse Vrouefederasie (SAVF) en die Abraham Kriel Kinderhuis op
Modimolle.
 |
| KANSA |
KANSA is ‘n nie-winsgewende
organisasie wat kanker beveg en kankerlyers ondersteun. Ria is al 50 jaar lank
met KANSA gemoeid en het reeds verskeie kursusse in berading ondergaan. Sy sê dat dit hoogs bevredigend is om terminale
kankerlyers van hulp en troos te wees.
 |
| Die Suid-Afrikaanse Vrouefederasie |
Ria is die afgelope
17 jaar lank lid van die plaaslike tak van die SAVF.
Die SAVF is in 1904 gestig weens ‘n groepie vroue se besorgdheid oor mense wat ná die Tweede Anglo-Boereoorlog in nood verkeer het. Algaande het hulle hoofdoel verander om ‘n algemene welsynsdiens te lewer. Die plaaslike tak fokus onder andere daarop om behoeftige inwoners van die Rusoord Tehuis vir Bejaardes op ons dorp finansieel te ondersteun. Hulle hou verkopings van allerlei aard om geld hiervoor in te samel.
Die SAVF is in 1904 gestig weens ‘n groepie vroue se besorgdheid oor mense wat ná die Tweede Anglo-Boereoorlog in nood verkeer het. Algaande het hulle hoofdoel verander om ‘n algemene welsynsdiens te lewer. Die plaaslike tak fokus onder andere daarop om behoeftige inwoners van die Rusoord Tehuis vir Bejaardes op ons dorp finansieel te ondersteun. Hulle hou verkopings van allerlei aard om geld hiervoor in te samel.
 |
| Abraham Kriel Kinderhuis |
Verskeie Abraham
Kriel Kinderhuise is landwyd kort na die Anglo-Boereoorlog in die lewe geroep
om na oorlogswesies om te sien. Die Abraham Kriel Kinderhuis op Modimolle het
in 1959 tot stand gekom om aan hulpbehoewende kinders ‘n heenkome te bied.
As ‘n lid van ‘n groepie vroue van die NG Gemeente Warmbad-Wes, besoek Ria een van die wooneenhede een keer per maand om die inwonertjies te ondersteun en om lekkernye en lewensmiddele uit te deel.
Ria skryf haar toewyding aan gemeenskapswerk aan die voorbeeld wat haar oorlede ouers van kleins af aan haar gestel het. "Hulle was omgeemense wat my as’t ware onder die SAVF-tafels grootgemaak het," sê sy.
As ‘n lid van ‘n groepie vroue van die NG Gemeente Warmbad-Wes, besoek Ria een van die wooneenhede een keer per maand om die inwonertjies te ondersteun en om lekkernye en lewensmiddele uit te deel.
Ria skryf haar toewyding aan gemeenskapswerk aan die voorbeeld wat haar oorlede ouers van kleins af aan haar gestel het. "Hulle was omgeemense wat my as’t ware onder die SAVF-tafels grootgemaak het," sê sy.
No comments:
Post a Comment