Ons sê baie, baie dankie ...

Die Bestuurskomitee het onlangs namens die inwoners sy dank teenoor die oord se werkers betuig deur aan hulle gebraaide boerewors en vloeibare verversings voor te sit.

Emely, wat sorg dat die administrasieblok, kombuise en twee ontstspanningslokale vlekloos skoon bly, was ongelukkig reeds met verlof toe hierdie geleentheid plaasgevind het. Sy het vooraf darem 'n pakkie wors ontvang. Die Bestuurskomitee vertrou dat sy dit saam met haar gesin sal geniet.

Die werkers is 'n aanwins vir die oord en lewer jare lank al getroue diens aan die inwoners. Vanjaar was geen uitsondering nie.

Die oord se werkers word onthaal. V.l.n.r. verskyn Lang Daniël (Bewaringsdiens), Johnny Meyer (Bestuurskomiteevoorsitter), Bra Willy (Faktotum), Abram (Onderhoudsdiens), Paulus (Onderhoudsdiens), Louis van Wyk (Onderhoudsdiens), Thomas (Bewaringsdiens) en Piet Combrink (Bewaringsdiens). Emely (Skoonmaakdiens) was reeds met verlof toe hierdie foto geneem is.