Year-end function - 2018

Our Year-end Function was held on 21 November. It was attended by a record number of more than 100 residents. Once again the Social Action provided a delicious meal at a most affordable cost.

The pictures below provide an overview of a most enjoyable event.

Oord se sosiale aksie verkies bestuur vir 2019

Ons sosiale aksie se pasverkose bestuur vir 2019. V.l.n.r. verskyn Elize Yeo (waarnemende tesourier), Rita Vosloo (sameroeper), Bets Cilliers (sekretaris) en Braam Cilliers (addisionele lid)

Vlytige vingers

Houtsneewerk wat deur Caro van der Schyff gedoen is.

CARO VAN DER SCHYFF (E103) skryf: Nadat ek en Corrie na Warmbad Renaissance verhuis het, het ek na iets gesoek waarmee ek my kan besig hou terwyl hy sy sakeonderneming bedryf.

ʼn Geruime tyd lank was rolbal my grootste vreugde en tydverdryf. Ek het egter algaande ʼn behoefte ervaar om iets skeppends te doen.

Toe oorreed ‘n vriendin my om saam met haar lesse in houtsneewerk te neem by Susan Hugo, inwoner van ʼn naburige aftreeoord. En siedaar, sedert Augustus 2016 word dít my groot passie.

Ons het in September ʼn uitstalling gehou. Die resultaat blyk uit die foto’s hierbo en hieronder.

Sedertdien het ek ‘n paar bestellings gekry vir familiewapens en handspieëls.  Nou is ek lekker besig. Ek hoop net die geraas pla die bure nie te veel nie!

Caro staan by 'n paar van haar houtsneewerke

'n Hele aantal Warmbad Renaissance-inwoners het Caro se uitstalling bygewoon

Só het ons oord ontwikkel (5)

Soos voorheen vermeld, beoog ons om maandeliks stories van ons oord se ontwikkeling te plaas. Hiervoor het ons soms gaan kers opsteek by persone wat betrokke was, maar meer dikwels het ons ons tot ou notules van die bestuurskomitee en fotoalbums gewend en afgekom op kosbare grepies uit ons oord se verlede.

Ons oord se inwoners is daarvoor bekend dat hulle dikwels sterk individualisties is. Trouens, hulle is soms gewoon hardkoppig.

Dit was dus vir ons nie vreemd om in die notules van die bestuurskomitee te lees van die konsternasie wat inwoners oor die jare heen veroorsaak het nie.

Een van die inskrywings alsolief verwys na die Sage van die klavier.

Ons vermoed dat die klavier waarop voormalige inwoner Lucia Pagel speel en tans in die Nes pryk (kyk foto hieronder), dieselfde is as die een waaroor die polemiek bykans 25 jaar gelede gevoer is.

Dié klavier het die “ou” Carl Ecke-klavier vervang wat toentertydse inwoners Ina en Basie du Plessis op 16 Februarie 1993 aan die oord geskenk het (kyk foto hieronder).

Ons haal woordeliks, d.w.s. skryffoute en al, uit die notule van die bestuurskomitee aan. Die regte naam van die betrokke individu word vervang met “mev. Annie Anoniem” sodat sy nie in die verleentheid gestel word nie, al het sy jare gelede reeds verhuis. Mev. Annie Anoniem was toentertyd ʼn lid van die bestuurskomitee.

Onder die opskrif  Wederregtelike aankoop van klavier ens., lui die notule van 4 November 1993 soos volg: “Uit hierdie eensydige optrede van Mev. Annie Anoniem het die volgende gespruit: Gedurende die week van 11 Oktober het die Voorsitter verneem dat Mev. Anoniem ʼn klavier laat aflewer het met die veronderstelling dat die koste van R5 000 vir die koste van die Algemene Vergadering is.

Die Voorsitter het Mev. Annie Anoniem persoonlik meegedeel dat haar optrede eensydig, wederregtelik en buite orde is en dat sy in haar persoonlike hoedanigheid verantwoordelik gehou word vir die betaling van die R5 000 en nie die Algemene Vergadering nie.

Na verdere breedvoerige besprekings … het die Komitee aan die Voorsitter, sonder teenstem, ondersteuning en goedkeuring vir sy optrede verleen.

Die Komitee kondoneer dus nie Mev. Annie Anoniem se optrede nie en bevestig dat sy verantwoordelik gehou word vir die koopsom of enige uitstaande balans.”

Op 12 Januarie 1994 lui die notule: “Mev. Anoniem het die verskuldigde bedrag van R5 000 uit eie bronne betaal. Sy vra toestemming om met ‘n lys in en buite die Oord rond te gaan om donasies te vra. Mnr. Bester [die toentertydse ontwikkelaar] onderneem om eers leweransiers van bouprodukte te nader om donasies. Die ou klavier sal intussen na Platrivier Oudhede Winkel geneem word om verkoop te word”

Ons kon nie vasstel of dié fondinsamelingspoging suksesvol was nie.

Rus vir die holte van hul voet

Annemie Ihlenfeldt

Annemie Ihlenfeldt (E133) is 62 jaar gelede in Bloemfontein gebore waar sy in 1973 haar skoolopleiding aan die Hoërskool Sentraal voltooi het. Hierna het sy een jaar lank militêre opleiding aan die Suid-Afrikaanse Vroue Leërkollege op George ontvang.

Vanaf 1975 het sy aan die Universiteit van die Orange-Vrystaat studeer en in 1977 ʼn BA-graad behaal. Haar hoofvakke was Kommunikasiekunde en Staatsleer. Nadat sy haar universiteitsloopbaan voltooi het, is sy as ʼn inligtingsoffisier met die rang van luitenant by die SANW-verdedigingshoofkwartier in Pretoria aangestel.

Hier het sy haar toekomstige wederhelf, Kallie, ontmoet. Kallie was ook ‘n soldaat. Hulle is in 1980 in Bloemfontein getroud. Hy het haar in 2012 ontval.

Annemie en Kallie het in 2001 uit die SANW getree, hy met die rang van kolonel en sy as kaptein.

ʼn Seun, dogter en een kleinkind is uit hulle huwelik gebore.

Neels en Edna Cornelius

Neels (70) en Edna (67) Cornelius, het onlangs hul intrek in E118 geneem, enersyds omdat Neels nader aan sy wildsplaas, Hardekoolbult op Koedoeskop, wou woon en andersyds omdat Edna se jarelange vriendin, Linkie Ellis (E138), hul oorreed het dat ons oord die aangenaamste woonplek in die ganse Bosveld bied.

Neels is in Linden, Johannesburg, gebore en het grootgeword op die fa-milieplaas, Hardekoolbult, naby Thabazimbi. Nadat hy in 1965 aan die Hoërskool Frikkie Meyer op Thabazimbi gematrikuleer het, is hy na die Technikon Pretoria. Hier het hy die Nasionale Tegniese Diploma in elektromeganika behaal. ʼn Indrukwekkende loopbaan in        elektromeganika het gevolg, o.a. as produksiebestuurder by die toenmalige Yskor en bemarkingsbestuurder by Copalcor. Laasgenoemde het koper en geelkoper aan die motor- en elektriese nywerheid gelewer.

Edna is in Tanzanië gebore. Die Mau-Mau-bedreiging het die gesin destyds genoop om na Pretoria te verhuis nadat haar pa hulle plaas verkoop het dog nooit daarvoor betaal is nie. Sy het in 1967 sy matriek aan die Hoërskool Gerrit Maritz behaal. Hierna het sy ʼn Hoër Onderwysdiploma in primêre onderwys aan die Normaalkollege Pretoria behaal asook ʼn sertifikaat in jeugweerbaarheid aan UNISA. Sy was 27 jaar lank ʼn onderwyser, o.a. by die Laerskool Nellie Swart. In 1984 is sy aangestel as ʼn dosent in tale by die Onderwyskollege Soshanguwe. Sy het in 1997 uitgetree om ʼn voltydse tuisteskepper te word.

Neels en Edna is 32 jaar getroud. Hulle het twee seuns en twee kleinkinders.

Gert en Elize Strydom

Gert (76) en Elize (68) Strydom het lank op Vrede gewoon voordat hulle onlangs in E2 ingetrek het.

Gert is in Springs gebore en getoë. Hy het in 1960 aan die Hoër Tegniese Skool Springs gematrikuleer. Hierna het hy verskeie administratiewe poste in Namibië en Suid-Afrika beklee. Terwyl hulle op Vrede gewoon het, was hy boer, balju en skriba van die Afrikaanse Protestantse Kerk.

Elize is in Vereeniging gebore en het op Leandra grootgeword. Sy het in 1976 matriek aan die Hoërskool Balfour behaal. Vervolgens was sy ʼn tuisteskepper terwyl hulle kinders nog op skool was en later ʼn administratiewe beampte by Avondvrede-aftreeoord en Hoërskool Vrede. Elize is ook ʼn knap klavierspeler wat bykans 30 jaar lank ook die kerkorrel bespeel. Tans beklee sy die amp van orrelis in die AP Kerk op Bela-Bela.

Gert en Elize is 47 jaar gelede getroud. Twee dogters en ses kleinkinders is uit hulle huwelik gebore.

Why we should care for the indigenous trees in our village

Philip van den Berg

One of our residents, PHILIP VAN DEN BERG (U34), is an acclaimed environmentalist and wildlife photographer. At the invitation of Kwêvoël, he writes: All of us at Renaissance can indeed be proud of the beautiful indigenous trees that flourish in our village.

There are a multitude of advantages of having indigenous trees in our gardens.

Trees of the Bushveld are adapted to the local climate and soil structure and have grown here for ages. They are used to the dry conditions, have found ways to protect themselves from local pests and require far less irrigation, saving time, money, and perhaps the most valuable natural resource, water. In addition they provide vital habitats for birds, reptiles, small mammals and insects.

Non-indigenous plants and trees are not always able to adjust to local conditions and could consume excessive amounts of water. Popular exotic trees such as Johannesburg Gold and Leopard Trees grow fast, but they are very thirsty and are most difficult to remove when they become redundant.

There are several indigenous trees in our village that are old and not so healthy any longer, and it will soon be necessary to replace them. Everyone who is in this situation should consult someone who is knowledgeable in this field.

Residents urged to protect indigenous plants

Chairman of the Management Committee, Gerhard van Rooyen

The Chairman of our Management Committee, Gerhard van Rooyen, writes: In paragraph 16.3, our Rules of Conduct urges us not to damage trees and plants that originate naturally in the Bushveld. The clear message is that our indigenous trees and plants must be nurtured and cared for by all our residents, irrespective of whether or not they become exasperated by the mess they cause in winter when shedding their leaves and flowers.

I believe that it is fitting for all of us to take the wisdom of Robert H. Schuller to heart, “Never cut a tree down in the wintertime. Wait. Be patient. The spring will come.”